Стваральнікі Pokemon Go анансавалі новую гульню — пра Гары Потэра
Амерыканскі стартап Niantic Labs упершыню з моманту выпуску Pokemon Go — гульні ў дапоўненай рэальнасці — анансаваў новы праект. Гэта будзе гульня, падзеі ў якой будуць адбывацца ў свеце Гары Потэра, паведамляе TechCrunch.
Гульня атрымала назву «Harry Potter: Wizards Unite», і, меркавана, выйдзе ў 2018 годзе. Па дадзеных выдання, акрамя Niantic, над гульнёй будзе працаваць кампанія Warner Bros. Interactive.
Дэталі гульнявога працэсу пакуль не раскрываюцца, але вядома, што гульня будзе выкарыстоўваць дапоўненую рэальнасць, і можа быць падобная да гульні Ingress ад Niantic, у якой гульцам трэба было падарожнічаць па рэальным свеце, каб збіраць пэўныя прадметы і абараняць лакацыі ў свеце гульні.
Каментары