Выбаршчыкі ў Аўстраліі большасцю ў 61,6% галасоў выказаліся на рэферэндуме за легалізацыю аднаполых шлюбаў, паведамляе Аўстралійскае бюро статыстыкі.
Рэферэндум не мае абавязковай сілы, але прэм'ер-міністр Малькольм Турнбул, калі сталі вядомыя вынікі галасавання, паабяцаў змяніць заканадаўства краіны да Раства.
«Мільёны [аўстралійцаў] сказалі сваё слова, і яны пераважнай большасцю галасоў выказаліся за роўнасць правоў на шлюб. Яны сказалі «так» справядлівасці, «так» шлюбнай вернасці, «так» любові. Цяпер прыйшоў час нам тут, у парламенце Аўстраліі, зрабіць сваю справу», — заявіў Турнбул.
Галасаванне праводзілася па пошце і працягвалася восем тыдняў. У ім узялі ўдзел 12,7 мільёна чалавек, што складае 79,5% выбаршчыкаў.
Цяпер чытаюць
Сяргей узяў грошы за кантракт і пайшоў здавацца ў палон пры першай магчымасці. Пакручасты лёс беларуса, які падпісаўся ваяваць за Расію7
Каментары