Раніцай 21 лістапада следчыя выязджалі на Мінскі аўтамабільны завод. Спачатку памёр сантэхнік у сталовай, а потым ахоўнік падчас інструктажу. Пра гэта TUT.BY распавяла афіцыйны прадстаўнік Упраўлення Следчага камітэта па Мінску Марына Дранькова.
«Заводскім раённым аддзелам СК праводзіцца праверка па факце смерці двух рабочых на тэрыторыі ААТ «МАЗ», - распавяла Марына Дранькова.
Раніцай падчас інструктажу ў навучальным класе страціў прытомнасць 57-гадовы стралок ваенізаванай аховы; ён памёр да прыезду хуткай.
Потым стала кепска 61-гадоваму сантэхніку, які прыйшоў выконваць работы ў сталовай. Калегі аказвалі яму дапамогу, але выратаваць мужчыну не ўдалося.
«Па папярэдніх дадзеных, гібель мужчын не выклікана знешнімі фактарамі і выпадкі паміж сабой не ўзаемазвязаны.
Навучальны клас і сталовая знаходзяцца ў розных будынках, памяшканні адасобленыя ад вытворчых памяшканняў», — удакладніла афіцыйны прадстаўнік УСК па Мінску.
На месцы працуе следча-аператыўная група і эксперты.
Цяпер чытаюць
«Калі цяпер херова, значыць, гэта яшчэ не канец». Пагутарылі з эпатажным «святаром XXI стагоддзя», пра якога не было чуваць пяць гадоў пасля арышту2
Каментары