Абаронца БАТЭ і зборнай Беларусі Дзяніс Палякоў падпісаў кантракт з АПОЭЛам з Нікасіі. Пагадненне разлічана да мая 2020 года, паведамляе Tribuna.com
Палякоў, які пачынаў кар'еру ў салігорскім «Шахцёры», гуляў за БАТЭ з 2012 года.
АПОЭЛ — 26-ы разовы чэмпіён Кіпра (з 2013 года — бязменна). Сёлета выступаў у групавым турніры Лігі чэмпіёнаў, заняў у групе 4-е месца (следам за «Тотэнхемам», «Рэалам» і «Барусіяй»).
У чэмпіянаце Кіпра 2017—2018 АПОЭЛ ідзе на 4-м месцы, адстаючы на чатыры балы ад лідара першынства АЕКа з Ларнакі.
У чэмпіянаце Кіпра бяруць удзел 14 камандаў, якія спачатку гуляюць у два колы, а затым дзеляцца на шасцёркі.
Каментары