У Міністэрстве антыманапольнага рэгулявання і гандлю Беларусі параўналі, колькі каштуе праехаць 100 кіламетраў на электрамабілі і на звычайным аўтамабілі з бензінавым рухавіком. Высветлілася, што нават пасля павышэння тарыфаў на электраэнергію электракар усё роўна абыходзіцца танней.
Калі зараджаць электрамабіль на павольнай зараднай станцыі з пераменным токам, то 100 км шляху будуць каштаваць прыкладна 8,7 рубля (пры сярэднім расходзе 15,8 кВт·г на 100 км). Пры хуткай зарадцы пастаянным токам выдаткі павялічваюцца прыкладна да 11,5 рубля.
Яшчэ танней атрымліваецца, калі зараджаць аўтамабіль дома. У дзённы час гэта каля 4,7 рубля за 100 км, а па начным тарыфе — каля 2,8 рубля.
Для параўнання: аўтамабіль на бензіне АІ-95 з расходам каля 7,4 літра на 100 км пры цане 2,6 рубля за літр патрабуе прыкладна 19,2 рубля на такую ж адлегласць.
Паводле даных за 2025 год, у Беларусі налічвалася каля 54 тысяч электрамабіляў. Да 2030 года плануецца павялічыць іх колькасць прыкладна да 300 тысяч. Зараз у краіне працуе каля 2,1 тысячы зарадных станцый.
У Беларусі з 1 лютага павысіліся тарыфы на электраэнергію для юрыдычных асоб і прадпрымальнікаў. З-за гэтага з 10 сакавіка падаражэла і зарадка на станцыях сеткі Malanka: павольная — да 0,55 рубля за кВт·г, хуткая — да 0,73 рубля.
Побач з Лукашэнкам на хакеі з'явілася новая прыгажуня10
Каментары
Минус таможенные платежи и НДС 0%.
Потом та экономия,про которую в статье.
Потом другая динамика и комфорт.
После электрички назад на бензинку не охота.