Дзевяць чалавек загінулі ў выніку сутыкненняў пратэстоўцаў з праваахоўнымі органамі ў Іране. Пра гэта паведамляе Associated Press са спасылкай на іранскі дзяржаўны тэлеканал.
Шэсць пратэстоўцаў загінулі падчас нападу на аддзел паліцыі ў Кахдарыджане. Паводле інфармацыі тэлеканала, яны спрабавалі скрасці зброю ў паліцыянтаў.
У Хамейнішэхры былі забітыя 11-гадовы хлопчык і 20-гадовы мужчына, а ў Наджафабадзе загінуў службовец Корпуса вартавых рэвалюцыі. Усе трое былі забітыя з паляўнічых стрэльбаў, якія часта выкарыстоўваюць у іранскіх вёсках.
Раней паведамлялася пра гібель 12 чалавек падчас масавых пратэстаў у Іране. Дзесяць чалавек з іх сталі ахвярамі сутыкненняў у ноч на 1 студзеня. Яшчэ двое загінулі ў іранскім горадзе Даруд 30 снежня.
Масавыя акцыі пратэсту ў Іране пачаліся 28 снежня ў горадзе Мешхед. Пазней яны пашырыліся і на іншыя гарады, у тым ліку і Тэгеран. Удзельнікі акцый пратэстуюць супраць эканамічных праблем - росту цэнаў і высокага ўзроўню беспрацоўя, а таксама супраць дзейнага кіраўніцтва Ірана на чале з Алі Хаменеі. Сотні ўдзельнікаў пратэстаў былі арыштаваныя.
Улады Ірана часова абмежавалі доступ да Instagram і Telegram.
Цяпер чытаюць
Ці спыніліся звальненні па палітычных матывах? Вось што расказалі ў некалькіх дзяржаўных арганізацыях3
Каментары