У Бельгіі прапанавалі выкарыстоўваць целы памерлых людзей для вырабу кампосту
Сябры партыі «зялёных» Ecolo ў складзе адміністрацыйнае рады бельгійскага горада Монс прапанавалі пускаць на кампост прах памерлых жыхароў.
Адпаведную прапанову экалагісты унясуць на разгляд гарадской адміністрацыі ў панядзелак увечары, паведаміла тэлерадыёкампанія RTBF.
Яна прыводзіць дадзеныя даследаванняў, згодна з якімі за год цела памерлага чалавека трансфармуецца ў экалагічна чысты кампост.
«Зялёныя» хочуць, каб Монс стаў горадам рэалізацыі пілотнага праекта па выкарыстанні чалавечага перагною пры азеляненні аднаго з паркаў. Яны таксама дапусцілі, што кампост змогуць атрымліваць і звычайныя грамадзяне «для яго выкарыстання на прыватных падворках пры высаджванні расліны ці дрэва ў памяць аб памерлым».
Пра тое, як прапануецца атрымліваць перагной з чалавечага праху, не паведамляецца.
Трамп заявіў, што ідуць перамовы пра вызваленне яшчэ 50 беларускіх палітвязняў, і назваў іх «закладнікамі»44
Трамп заявіў, што ідуць перамовы пра вызваленне яшчэ 50 беларускіх палітвязняў, і назваў іх «закладнікамі»
«Як Вольскі прыходзіў з ператрусам да Коласа, а Крапіва і Глебка даносілі на калег». Апублікаваныя жахлівыя ўспаміны Рыгора Бярозкіна пра рэпрэсіі 1920—1940-х1515
Каментары