Дзяржаўныя СМІ павінны больш актыўна працаваць у інтэрнэце. Пра гэта Аляксандр Лукашэнка заявіў пры вырашэнні кадравых пытанняў вядучых СМІ краіны, піша БелТА.
«Больш актыўна мы павінны працаваць і ў інтэрнэце. Вядома, «дастаць» моладзь з тэлефонаў і камп'ютараў і прымусіць чытаць газету ў нас, на жаль, ужо наўрад ці атрымаецца. Але ў такім выпадку там жа, у інтэрнэце, мы павінны прапанаваць ім узамен нешта цікавае, правільнае, аб'ектыўнае», — мяркуе Аляксандр Лукашэнка.
На думку кіраўніка дзяржавы, дзяржаўныя СМІ павінны абараняць грамадзян ад бруду ў сусветным павуцінні, які выліваецца на іх, варта толькі зайсці ў інтэрнэт.
«Задаюся пытаннем: каму, як не вам - людзям, якія штодня робяць навіны, якія пра большасць падзей пазнаюць першымі, - фармаваць і ў інтэрнэце інфармацыйную карціну дня? Чакаю рашучых дзеянняў і ў гэтым кірунку», - падкрэсліў кіраўнік дзяржавы.
Паўла Якубовіча і Генадзя Давыдзьку зменяць Жук і Эйсмант
Цяпер чытаюць
Ездзілі шукаць нават у БССР, а неапазнанае цела 30 гадоў ляжала ў спецсховішчы. Новыя дэталі загадкавага знікнення ў ЗША беларускага пісьменніка Міколы Цэлеша22
Каментары