Samsung запатэнтавала планшэт-беспілотнік, палёт якога кіруецца поглядам і голасам
Паўднёвакарэйская кампанія Samsung запатэнтавала дрон з адмысловым экранам, які зможа адсочваць погляд чалавека, рухі рук і распазнаваць яго голас.
Як гаворыцца ў патэнце, дрон будзе абсталяваны камерай і сістэмай назірання. Кіраванне хуткасцю і кірункам палёту беспілотніка будзе ажыццяўляцца рухамі вачэй, рук і галавы.
У дрон будуць убудаваныя гіраскоп, датчык руху, акселерометр, GPS, Wi-Fi-пазіцыянаванне, а таксама сістэма вібрацыі і распазнання голасу.
Паводле дакументаў, прылада будзе ўяўляць сабой планшэтны камп'ютар з сэнсарным дысплэем, які перамяшчаецца ў прасторы з дапамогай чатырох прапеллераў. Пры гэтым экран зможа рухацца, займаючы найбольш зручнае для карыстальніка становішча.
Каментары