Супрацоўнікі мытні выявілі чамадан срэбра, які ураджэнка Карэліі спрабавала правезці без дэкларацыі, паведамляе Дзяржаўны мытны камітэт.
Ураджэнка Карэліі прыляцела ў Нацыянальны аэрапорт авіярэйсам Кіеў — Мінск і пайшла па «зялёным» калідоры, дзе не трэба дэклараваць тавары.
Выгляд і вага яе багажу выклікаў падазрэнне ў мытнікаў, у сувязі з чым жанчыну запрасілі на «чырвоны» калідор і праверылі рэчы сканарам.
Сярод рэчаў выявілі партыю ўпрыгожванняў і аксесуараў са срэбра, расфасаваных у мяшочкі: больш за тысячу брошак, ланцужкоў, запінак, заціскаў, гузікаў, спражак, зашпілек і іншых прадметаў. 11,5 кілаграма упрыгожванняў знаходзіліся ў адным чамадане.
Жанчына патлумачыла, што купіла ювелірныя вырабы ў Турцыі для далейшага продажу.
Жанчыне пагражае штраф у памеры ад пяці да пяцідзесяці базавых велічынь.
Цяпер чытаюць
Памёр паэт Уладзімір Карызна, аўтар слоў да цяперашняга дзяржаўнага гімна Беларусі5
Каментары