Жыхар вёскі Малейкаўшчызна Лідскага раёна раніцай пайшоў па ваду да калодзежа, піша sb.by.
«Калі мужчына нахіліўся да вядра, у яго з кішэні выпаў мабільны тэлефон. Вясковец стаў спускацца ў калодзеж, трымаючыся за металічны трос. Не ўтрымаўшыся, сарваўся ўніз. Апынуўшыся ў ледзяной вадзе, ён пачаў гучна крычаць, клікаць на дапамогу. Крыкі пачуў сусед і выклікаў супрацоўнікаў МНС. Ратавальнікі прыбылі аператыўна і, абматаўшы мужчыну тросам, выцягнулі з калодзежа глыбінёй 6 метраў. Хуткая дапамога забрала 59-гадовага мужчыну ў рэанімацыю», — распавяла афіцыйны прадстаўнік УМНС па Гродзенскай вобласці Наталля Жывалеўская.
Праз гадзіну пацярпелы памёр у бальніцы. Папярэдні дыягназ — моцнае пераахаладжэнне арганізма. Гэта мусіць пацвердзіць экспертыза. Па факце гібелі чалавека праводзіцца праверка.
Цяпер чытаюць
«Шкада, што людзі мяне лічаць такім ідыётам». Дзядок расказаў, як яго змаглі высачыць пасля пяці месяцаў падполля3
Каментары