Навукоўцы: больш за палову вашых клетак — не чалавечыя. А чые?
З усіх клетак у чалавечым целе толькі 43% — гэта, уласна, клеткі чалавека. Астатнія — гэта мікраскапічныя каланізатары, перадае словы навукоўцаў Бі-Бі-Сі.
Як бы старанна вы ні мыліся, кожны куток і кожная зморшчына ў вашым целе ў любы момант часу багата заселеная мікраскапічнымі стварэннямі. Сярод іх — бактэрыі, вірусы, грыбкі і археі. Больш за ўсё гэтых істот жыве ў цёмных і змрочных глыбінях нашага кішачніка, куды няма доступу кіслароду.
«У вас больш ад мікроба, чым ад чалавека», — кажа ў гутарцы з Бі-бі-сі прафесар Роб Найт з Каліфарнійскага ўніверсітэта ў Сан-Дыега.
Раней даследчыкі думалі, што на кожную чалавечую клетку ў арганізме прыпадае дзесяць мікраарганізмаў.
«Гэтую ацэнку перагледзелі — цяпер суадносіны хутчэй адзін да аднаго. Таму зараз мы лічым, што, калі пералічыць клеткі, то кожны з нас — на 43% чалавек», — кажа навукоўца.
Цяпер чытаюць
«Свінні зарохкалі. Без вады даўно не сядзелі, я б ім адключыў». Азаронак абрынуўся на жыхароў раёна Лебядзіны16
Каментары