Пасажыр легкавіка, які пацярпеў у выніку сутыкнення з фурай падчас «пясчанай буры» на трасе М1, памёр у бальніцы. Пра гэта паведамілі ў ДАІ Мінскай вобласці.
Нагадаем, аварыя адбылася 21 красавіка, каля 15.30, на 253-м кіламетры трасы М1 Брэст — Мінск — мяжа Расійскай Федэрацыі ў Нясвіжскім раёне. 27-гадовы кіроўца Volvo S40 ехаў у напрамку Брэста. Паблізу вёскі Малінаўка ён не справіўся з кіраваннем і здзейсніў спадарожнае сутыкненне з фурай.
«На дарозе з-за моцнага ветру раптам падняўся слуп пяску. Кіроўца грузавіка пачаў зніжаць хуткасць з-за дрэннай бачнасці, у гэты момант у яго транспартны сродак ўрэзаўся легкавік», — распавялі ў ДАІ.
У выніку ДТЗ 26-гадовы пасажыр Volvo атрымаў цяжкія траўмы і быў шпіталізаваны ў рэанімацыйнае аддзяленне бальніцы, дзе пазней памёр.
Цяпер чытаюць
Дык усё ж ці бяспечны Telegram і для якіх мэтаў бяспечны? Вось што ясна на сёння11
Дык усё ж ці бяспечны Telegram і для якіх мэтаў бяспечны? Вось што ясна на сёння
«Вайна ўсё спіша». Беларускім удзельнікам гей-прайда ў Вільні пагражалі расправай ад імя беларускіх ваяроў за выкарыстанне бела-чырвона-белага сцяга219219
Каментары