Ноччу 24 красавіка ў міліцыю патэлефанаваў жыхар вёскі Балашы, што ў Вілейскім раёне, і паведаміў, што на вуліцы без бацькоў гуляе маленькая дзяўчынка, паведамляе kraj.by са спасылкай на газету «Шлях перамогі».
— Мужчына ўбачыў дзяўчынку на вуліцы каля гадзіны ночы, - патлумачыла сітуацыю в.а. начальніка інспекцыі па справах непаўналетніх Вілейскага РАУС Дар'я Сцяпук. — Дзяўчынка не была напалоханая, лёгка пайшла на кантакт з мужчынам, а пасля з міліцыяй.
Дзяўчынку прывялі дадому, але бацькоў на месцы не аказалася. Аб'явіліся яны толькі праз суткі.
Увесь гэты час дзіця знаходзілася ў вілейскай бальніцы, куды яе прывезлі супрацоўнікі аддзела адукацыі. Дзяўчынка здаровая, пашкоджанняў як цялесных, так і псіхалагічных няма.
Па словах Дар'і Сцяпук, раней яе бацькі ўжо траплялі ў поле зроку органаў прафілактыкі.
Цяпер чытаюць
На перадсмяротным відэа з калоніі насамрэч быў не Вітольд Ашурак. З'явіліся новыя падрабязнасці смерці палітвязня26
Каментары