Партыя «Дашнакцуцюн», якая ўваходзіла на правах малодшага партнёра Рэспубліканскай партыі ў склад кіруючай ў Арменіі кааліцыі, абвясціла аб выхадзе з яе.
«Беручы пад увагу сітуацыю, якая склалася, мы заяўляем аб адмове ад удзелу ў палітычнай кааліцыі», — гаворыцца ў заяве нацыяналістаў. У дакуменце падкрэсліваецца, што парламент павінен абраць кіраўніком урада чалавека, які мае давер народа і здольнага пераадолець палітычны крызіс і забяспечыць умовы для правядзення датэрміновых парламенцкіх выбараў.
Таксама стала вядома, што апазіцыйны парламенцкі блок «Елк» вылучыў кандыдатуру лідара ерэванскіх пратэстаў Нікола Пашыняна на пасаду прэм'ер-міністра, паведамляе News.am.
Каментары