Жыхар Полацкага раёна ў заклад з прыяцелямі зрабіў допіс ў інтэрнэце пра тэракт
35-гадовы жыхар гарадскога пасёлка Ветрына Полацкага раёна размясціў «Укантакце» ілжывы допіс, у якім распавёў пра тэракт, які нібыта адбудзецца ў полацкім гандлёвым цэнтры. Мужчына напісаў: «Я рыхтаваў бомбу! Будзе тэракт у Полацку. У манежы!».
Зрабіў ён гэта ў заклад. Калі мужчына знаходзіўся ў гасцях, ён паспрачаўся з гаспадарамі, што запіс не прыцягне ўвагу праваахоўнікаў і ніхто на яго не адрэагуе.
Гэта паведамленне ў сацыяльнай сетцы ўбачыў жыхар Мурманска і адправіў скрыншот сваёй знаёмай з Полацку. Менавіта яна і звярнулася ў міліцыю. Пасля атрымання трывожнага сігналу супрацоўнікамі сапёрна-піратэхнічнай групы быў абследаваны гандлёвы цэнтр «Манеж». Выбухованебяспечных прадметаў выяўлена не было.
За загадзя ілжывае паведамленне аб небяспецы ў дачыненні да жыхара распачата крымінальная справа па ч. 1 арт. 340 КК.
Цяпер чытаюць
Сталі вядомыя падрабязнасці таго, як у В'етнаме затрымалі Верамейчыка21
Каментары