Аляксандр Лукашэнка, прызначаючы сёння Юрыя Церцеля начальнікам Дзяржінспекцыі аховы жывёльнага і расліннага свету пры прэзідэнце Беларусі, запатрабаваў ад яго навесці жалезны парадак у гэтай структуры, піша БелТА.
«Ваша задача — прыйсці ў інспекцыю, разабрацца з тым штатам, з якім вы будзеце працаваць, паглядзець на людзей і жалезнай рукой навесці парадак у інспекцыі, а затым і ліквідаваць вузкія месцы, якія, магчыма, паўсталі ў краіне па ахове жывёльнага і расліннага свету», — даручыў кіраўнік краіны.
«Вельмі шмат будзе плётак, размоў, што Лукашэнка зноў узяў ухіл на прызначэнне вайскоўцаў у тыя ці іншыя грамадзянскія структуры. Я гэтага абсалютна не баюся, вы павінны быць да гэтага гатовыя.
Больш за тое, не скажаш, што Дзяржаўная інспекцыя — грамадзянская. А з тым бачаннем, якое ў мяне на гэтую інспекцыю, яна больш, чым ваенная», — падкрэсліў кіраўнік дзяржавы.
Лукашэнка расказаў, што гэты дзяржорган ствараўся па яго ініцыятыве і на базе пэўных структур за кошт іх колькасці, каб не выдзяляць лішнія грошы з бюджэту і не пладзіць лішніх людзей у пагонах.
«У нас багацце адно — гэта прырода. Гасподзь нас надзяліў выдатнай прыродай, яе асновай з'яўляецца раслінны і жывёльны свет. Але гэты дар не можа быць бясконца добрым, калі да яго дрэнна ставіцца. Яго трэба берагчы, песціць, аднаўляць. Нашу прыроду і той жывёльны свет, з якім мы сёння жывем, трэба захаваць. Таму была створана гэтая інспекцыя», - адзначыў Аляксандр Лукашэнка
Каментары