18 чэрвеня ў Цэнтральнае РУУС г.Мінска звярнулася жанчына, якая паведаміла пра тое, што на паркоўцы каля дома невядомы мужчына збіў пажылога чалавека і ўцёк.
Падзеі адбываліся каля дома па вуліцы Веры Харужай.
69-гадовы мужчына чакаў, пакуль жанчына вызваліць парковачнае месца. Ён хацеў паставіць на гэтае месца сваю машыну, а пакуль што перагарадзіў дарогу. У гэты час да дома пад'ехаў 52-гадовы таксіст і папрасіў пенсіянера вызваліць праезд.
Слова за слова — пачалася сварка. Таксіст ударыў пенсіянера ў грудзі, а пасля яшчэ і па назе.
У выніку ў 69-гадовага мужчыны дыягнаставаны закрыты пералом сярэдняй трэці правай галёнкі са змяшчэннем. Мужчына быў шпіталізаваны і дастаўлены ў бальніцу.
Міліцыянты затрымалі таксіста, яму пагражае да 10 гадоў зняволення за наўмыснае прычыненне цяжкага цялеснага пашкоджання.
Памятаеце выпускніка інстытута ФСБ, які раскатваў па Гродне са сцягам Наваросіі? Цяпер ён стаў варшаўскім бізнэсменам29
Каментары