Генеральны дырэктар Дэпартамента знешняй разведкі Эстоніі Мік Маран расказаў у пятніцу ў ЗША, на Форуме бяспекі ў Аспене, што сярод грамадскіх дзеячаў, такіх як журналісты, дыпламаты, бізнэсмены і палітыкі, выяўленыя людзі, у асобе якіх, як мяркуецца, гаворка ідзе пра агентаў уплыву Расіі, паведамляе агенцтва Delfi.
«Мы раскрылі сетку з палітыкаў, журналістаў, дыпламатаў, бізнэсменаў, якая на самай справе ўключае ў сябе агентаў уплыву Расіі, якім кажуць, што ім варта рабіць, — сказаў Маран. — Мы ясна бачым, што гэтыя людзі навязваюць расійскі план дзеянняў».
Кіраўнік эстонскай знешняй разведкі папярэдзіў, што, нягледзячы на саміт прэзідэнтаў Дональда Трампа і Уладзіміра Пуціна і з выгляду добрыя адносіны, пагроза з боку Расеі далёка не прайшла: у апошні час Крэмль стаў, хутчэй, больш выкарыстоўваць у сваіх мэтах агентаў уплыву і павялічваць іх ролю, адзначыў Маран.
Ён прывёў у якасці прыкладу палітыкаў, якія гадамі працавалі на ўзроўні мясцовых самакіраванняў, а зараз сталі праходзіць у нацыянальныя парламенты і ўрады краін.
«Што яны (расейцы — заўв. Рэд.) ім прапанавалі? Увагу СМІ і палітычную падтрымку, эксклюзіўныя бізнэс-магчымасці і ў адзінкавых выпадках таксама фінансавую дапамогу», — адзначыў Маран.
Кіраўнік эстонскай знешняй разведкі не пагадзіўся назваць ніводнага канкрэтнага палітыка, дыпламата ці журналіста, да якога ёсць падазрэнне, што гаворка ідзе пра агента ўплыву.
Чакаецца новы раўнд перамоваў між Беларуссю і ЗША — літоўскі СМІ9
Каментары