Прэс-сакратар прэзідэнта Расіі Дзмітрый Пяскоў заявіў у інтэрв'ю радыёстанцыі «Гаворыць Масква», што пакуль рана разважаць пра падтрымку Сербіі з боку Расіі пасля абвастрэння ў Косава. Па словах Пяскова, спачатку павінны адбыцца перамовы паміж лідарамі дзвюх краін.
Так прэс-сакратар прэзідэнта адрэагаваў на паведамленне аб тым, што прэзідэнт Сербіі Аляксандр Вучыч мае намер папрасіць ва Уладзіміра Пуціна падтрымкі ў сітуацыі з Косава. Вучыч удакладніў, што аб ваеннай дапамозе гаворка не ідзе. Сустрэча кіраўнікоў дзяржаў павінна адбыцца 2 кастрычніка ў Маскве.
29 верасня стала вядома, што Вучыч прывёў армію краіны ў баявую гатоўнасць. У той жа дзень некалькі дзясяткаў косаўскіх спецназаўцаў ўвайшлі на тэрыторыю, прылеглую да возера, якое забяспечвае вадой гідраэлектрастанцыю «Газіводэ». Аб'ект знаходзіцца на тэрыторыі Косава, але адначасова ўваходзіць у сербскую энергасістэму.
Каментары