Жанчыне з Мінскай вобласці ўдалося падманам атрымаць грошы адразу у двух чалавек, паведамляе horki.info. Характэрна, што гэтымі людзьмі быў інвалід па зроку і «праваслаўная знахарка».
Жанчына прыехала ў Оршу, дзе пазнаёмілася з мужчынам, у якога была інваліднасць па зроку. Яна пачала з ім актыўна мець зносіны і нават пасялілася ў яго, пасля чаго даведалася, што інвалід збіраў са сваёй пенсіі грошы на аперацыю. Пасля гэтага махлярка сказала мужчыну, што ў яе ў Мінску ёсць знаёмы доктар, які зможа арганізаваць яму аперацыю на вачах.
Пасля жанчына даведалася, што ў Горках ёсць жанчына, якая займаецца «лячэннем» праваслаўнымі малітвамі. Махлярка прапанавала свайму новаму аршанскаму сябру з'ездзіць у Горкі — так яна спрабавала паказаць яму сваё жаданне дапамагчы.
У Горках яна пасябравала і з жанчынай-знахаркай: аказалася, што сыну «знахаркі» таксама трэба прайсці лячэнне.
Махлярка назвала знаёмым дату прыезду ў Мінск для абследавання. У знахаркі яна забрала 600 даляраў і 110 беларускіх рублёў, а ў аршанскага інваліда — 1000 даляраў. Пасля яна з'ехала, каб аплаціць месца ў шпіталі — і тут жа знікла.
Супраць яе распачалі крымінальную справу па артыкуле «махлярства».
Палітвязняў па ўсёй краіне апытваюць: пасля памілавання вы хочаце застацца ў Беларусі ці з'язджаць?9
Палітвязняў па ўсёй краіне апытваюць: пасля памілавання вы хочаце застацца ў Беларусі ці з'язджаць?
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»3535
Каментары