Леснікі выявілі ў лесе норку-альбіноса і шукаюць ёй гаспадара ФОТЫ
Мілы звярок ідзе да рук.
Маладзечанец Ян Лагвіновіч выклаў пост у свой фэйсбук пра тое, што магчыма хтосьці захоча завесці сабе не зусім звычайнага хатняга гадаванца.
«Пра тое, што ў лесе пад Маладзечнам работнікі лясгаса сустрэлі белую норку-альбіноса, распавёў мне мой айчым. Яны працуюць на дзялянцы лесу і штодзень, з аднаго і таго ж месца, выходзіць норка. Леснікі нават сталі насіць ёй свае ссабойкі».
Ян Лагвіновіч па першай прафесіі — ляснік, і зрабіў выснову, што норка — гэта чыйсьці былы хатні гадаванец.
«Ведаеце, як бывае, нагуляліся і выкінулі ў лес. Норка — драпежнік, а гэтая сама ідзе да людзей. Дазваляе сябе гладзіць, есці з рук».
Чаму Ян сам не ўзяў норку сабе? У яго дома, кажа ён, жывуць два каты, а з катамі норку не трымаюць. Хоць у норкі павінна быць свая клетка, але драпежніка трэба выпускаць пагуляць.
Тэл. Яна Лагвіновіча (8-044) 479-14-71.
«Зімой яна ў лесе наўрад ці выжыве», — перажывае Ян Лагвіновіч.
Хай бы хто ўзяў сабе незвычайнага сябра.
Каментары