Пяцёра дзяцей атрымалі цяжкія траўмы пры катанні з горкі на цюбінгу
Следчы камітэт звяртае ўвагу на правілы бяспекі падчас зімовага адпачынку.
Здарэнні з цюбінгамі за 6-7 студзеня 2019 года:
— Мінск (Фрунзенскі раён): 6-гадовы хлопчык пры спуску на цюбінгу з гары стукнуўся галавой аб дрэва — множныя пераломы і траўмы. Праводзіцца даследчая праверка;
— Мінскі раён (в. Ляскоўка): 8-гадовая дзяўчынка пры спуску на цюбінгу з гары стукнулася галавой аб дрэва — множныя пераломы і траўмы. Праводзіцца даследчая праверка;
— Мінск (Цэнтральны раён): 9-гадовая дзяўчынка пры спуску на цюбінгу з гары сутыкнулася галавой з іншым дзіцём — цяжкія траўмы. Праводзіцца даследчая праверка;
— Ваўкавыск: 11-гадовы хлопчык пры спуску на цюбінгу з гары стукнуўся спінай аб камяні — цяжкія траўмы, разрывы ўнутраных органаў. Праводзіцца даследчая праверка;
— Мінск (Савецкі раён): 8-гадовы хлопчык пры спуску на цюбінгу з гары стукнуўся галавой аб дрэва — множныя траўмы, пераломы, знаходзіцца ў рэанімацыі. Праводзіцца даследчая праверка;
— Магілёў: 24-гадовы мужчына катаўся на цюбінгу з горкі ў парку — стукнуўся галавой аб ліхтарны слуп — загінуў. Праводзіцца даследчая праверка.
Нагадваем усім!
Катанне на цюбінгах (надзіманых санках, ватрушках, пончыках, абаранках) з'яўляецца папулярным відам правядзення вольнага часу зімой, але трэба быць пільнымі з гэтым спартыўным інвентаром і не забываць пра бяспеку дзяцей.
Паколькі спуск з горкі на цюбінгах адбываецца за кошт сілы гравітацыі і ў залежнасці ад сілы трэння, то рухацца ён можа даволі хутка, а кіраваць «ватрушкамі» не так проста — становішчам цела, змяняючы цэнтр цяжару, што на вялікай хуткасці не заўсёды атрымаецца ў малога.
Просім аб захаванні бацькамі і дзецьмі простых правілаў падчас зімовага адпачынку:
— пазбягайце актыўнага адпачынку каля аўтамабільных дарог, чыгуначных шляхоў, замёрзлых вадаёмаў, а таксама іншых месцаў, якія з'яўляюцца зонай павышанай небяспекі;
— не выкарыстоўвайце для катання схілы і спускі, на маршрутах якіх прысутнічаюць аб'екты, якія могуць стаць крыніцай траўматызму (дрэвы, сцены будынкаў, слупы);
— выкарыстоўвайце ахоўныя сродкі (налакотнікі, накаленнікі, шлемы);
— зважайце на ўзроставыя абмежаванні, названыя ў інструкцыях да спартыўнага інвентара;
— не адпускайце маленькіх дзяцей катацца адных.
Беражыце сябе і сваіх блізкіх!
Цяпер чытаюць
Хрыста Грозеў: ад рамантыка-радыёаматара да чалавека, які выкрыў самыя змрочныя таямніцы ГРУ і ФСБ. Як яго вербавала спецслужба Люксембурга і як ён вымушаны хавацца цяпер
Каментары