Транзітныя пасажыры «Белавія» змогуць бясплатна спыніцца ў Мінску на адны — трое сутак
З новага года транзітныя пасажыры авіякампаніі «Белавія» змогуць скарыстацца пералётам з прыпынкам (стаповерам) у Мінску.
Гэта опцыя дазваляе пасажырам, што падарожнічаюць з перасадкай праз Нацыянальны аэрапорт «Мінск», спыніцца на тэрмін ад 24 да 72 гадзін ў Мінску. Магчымасць дадаць Беларусь у маршрут падарожжа транзітныя пасажыры могуць бясплатна, паведамляецца на сайце авіякампаніі.
Стаповер даступны на адным з участкаў маршруту руху пры куплі квітка туды-зваротна.
«Колькасць транзітных пасажыраў у авіякампаніі «Белавія» пастаянна расце і ўжо складае каля 50%. Мы стараемся ўдасканальваць паслугі ў адпаведнасці з пажаданнямі і патрэбам нашых кліентаў. Новая опцыя дазволіць пасажырам зрабіць сваё падарожжа больш насычаным і пазнаёміцца з нашай краінай, не павялічваючы пры гэтым выдаткі на авіяпералёт. Мы спадзяемся, што магчымасць наведаць дадатковую краіну падчас запланаванага пералёту будзе запатрабаваная транзітнымі пасажырамі, асабліва ўлічваючы факт бязвізавага ўезду ў Беларусь для грамадзян многіх дзяржаў. Замежныя турысты змогуць разнастаіць сваё падарожжа знаёмствам з беларускай сталіцай і славутасцямі Беларусі», - распавёў генеральны дырэктар «Белавіі» Анатоль Гусараў.
Цяпер чытаюць
Беларусь адмовілася часова адкрыць пункт пропуску «Беняконі»18
Каментары