Пад Асіповічамі згарэў адзіны ў Беларусі прытулак для птушак. Загінула 400 індыкоў, бусел і лунь
Пажар адбыўся сёння, 27 сакавіка, каля 5 гадзін раніцы. Гаспадыня прытулку Жанна Сашчанка расказвае, што сярод ночы пачулі трэск, у іх у доме выбіла лічыльнікі.
Выбеглі на двор і ўбачылі, што ў вальерах, дзе птушкі, шугае полымя.
«Птушкі былі напужаныя, гвалт, піск, мы вымушаныя былі адкрыць вальеры, праз гэта збеглі 2 страусы. Але бусла, луня і 400 індыкоў уратаваць не ўдалося. Яны згарэлі».
Што стала прычынай пажару, невядома. «Я не ведаю, — працягвае Жанна. — Магчыма, праводка, а магчыма, падпал». Сітуацыя ў прытулку зараз катастрафічная.
«Нам няма чым карміць птушак, якія выжылі, але абгарэлі. Няма сродкаў адбудаваць вальеры, птушак забралі ў дом. І 2 страусы амаль пры смерці. Не ведаем, ці ўдасца іх выратаваць. Яны спужаліся і біліся аб агароджу. Разадралі крылы і тулава да мяса. Зараз літаральна сцякаюць крывёй. Таму мы будзем удзячныя за любую дапамогу».
Прытулак для птушак і звяроў пачаў сваё існаванне выпадкова. Аляксандр, Жанна і Ратмір — звычайная сям'я з Беларусі. Першым іх гадаванцам стаў грак з аб'явы, затым з'явіліся яшчэ 30 птушак, якія маюць патрэбу ў доглядзе. Цяпер гэтыя людзі не ўяўляюць жыцця без дапамогі сваім падапечным, але, на жаль, пакуль яны не спраўляюцца з гэтай задачай у адзіночку.
Звязацца з прытулкам можна па Viber: +375296684731
Рэквізіты: 4255 2003 0132 0099 «Беларусбанк», тэрмін дзеяння карты 04/21
Атрымальнік — Сталяроў Аляксандр Пятровіч
УНП атрымальніка — 700189758
Прызначэнне плацяжа: «Падарунак»
Хто вырашыў, што птушка без крыла не павінна жыць? Як сямейная пара з-пад Асіповічаў ратуе буслоў, лебедзяў ды соў
«Запускайце далей салюты, а я выклічу міліцыю». Беларусы спрачаюцца пра забарону на феерверкі2
Каментары