Pad Asipovičami zhareŭ adziny ŭ Biełarusi prytułak dla ptušak. Zahinuła 400 indykoŭ, busieł i łuń
Pažar adbyŭsia siońnia, 27 sakavika, kala 5 hadzin ranicy. Haspadynia prytułku Žanna Saščanka raskazvaje, što siarod nočy pačuli tresk, u ich u domie vybiła ličylniki.
Vybiehli na dvor i ŭbačyli, što ŭ valjerach, dzie ptuški, šuhaje połymia.
«Ptuški byli napužanyja, hvałt, pisk, my vymušanyja byli adkryć valjery, praz heta źbiehli 2 strausy. Ale busła, łunia i 400 indykoŭ uratavać nie ŭdałosia. Jany zhareli».
Što stała pryčynaj pažaru, nieviadoma. «Ja nie viedaju, — praciahvaje Žanna. — Mahčyma, pravodka, a mahčyma, padpał». Situacyja ŭ prytułku zaraz katastrafičnaja.
«Nam niama čym karmić ptušak, jakija vyžyli, ale abhareli. Niama srodkaŭ adbudavać valjery, ptušak zabrali ŭ dom. I 2 strausy amal pry śmierci. Nie viedajem, ci ŭdasca ich vyratavać. Jany spužalisia i bilisia ab aharodžu. Razadrali kryły i tułava da miasa. Zaraz litaralna ściakajuć kryvioj. Tamu my budziem udziačnyja za lubuju dapamohu».
Prytułak dla ptušak i źviaroŭ pačaŭ svajo isnavańnie vypadkova. Alaksandr, Žanna i Ratmir — zvyčajnaja siamja ź Biełarusi. Pieršym ich hadavancam staŭ hrak z abjavy, zatym źjavilisia jašče 30 ptušak, jakija majuć patrebu ŭ dohladzie. Ciapier hetyja ludzi nie ŭjaŭlajuć žyćcia biez dapamohi svaim padapiečnym, ale, na žal, pakul jany nie spraŭlajucca z hetaj zadačaj u adzinočku.
Źviazacca z prytułkam možna pa Viber: +375296684731
Rekvizity: 4255 2003 0132 0099 «Biełarusbank», termin dziejańnia karty 04/21
Atrymalnik — Stalaroŭ Alaksandr Piatrovič
UNP atrymalnika — 700189758
Pryznačeńnie płaciaža: «Padarunak»
Kamientary