Пасла Украіны ў Беларусі Ігара Кізіма здзіўляюць частыя сустрэчы ўкраінскага палітыка, кіраўніка палітрады партыі «Апазіцыйная платформа — За жыццё» Віктара Медведчука c Аляксандрам Лукашэнкам, пишет Tut.by
— Мяне таксама гэта здзіўляе і выклікае пытанні. Асабліва, што ён уяўляецца як удзельнік [падгрупы па гуманітарных пытаннях] трохбаковай кантактнай групы па ўрэгуляванні канфлікту на Данбасе]. Хоць я ў Мінску ўжо гады паўтара не бачыў яго на пасяджэннях групы. Можа ён, вядома, сустракаецца з удзельнікамі групы. Але, па маім асабістым меркаванні, так прадстаўляцца не зусім карэктна, — сказаў дыпламат у каментары Tut.by.
Ігару Кізіму здаецца, што ў цяперашні час Медвядчук больш займаецца ўнутранымі палітычнымі пытаннямі, чым Данбасам.
— Ён узначальвае партыю [«Апазіцыйная платформа — За жыццё»], падтрымлівае кандыдата ў прэзідэнты Юрыя Бойку. Але зноў жа я не ўяўляю прадмет размоў, калі Аляксандр Рыгоравіч кажа, што Парашэнка выйграе выбары, — сказаў Кізіма. Варта нагадаць, што 22 сакавіка Медвядчук і Бойка пабывалі ў Маскве і вялі перамовы з прэм'ер-міністрам Расіі Дзмітрыем Мядзведзевым і кіраўніком «Газпрома» Аляксеем Мілерам.
Амбасадар Украіны ў Беларусі таксама не выключыў, што на сустрэчах Медведчука з Лукашэнкам «маглі абмяркоўвацца пытанні бізнэсу, тады ўсё зразумела», але ён «у гэтыя справы не прысвечаны», таму не можа каментаваць.
Цяпер чытаюць
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі3939
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі39
«Калі Расія нападзе на NATO, Калінінград будзе знішчаны ў першыя ж гадзіны. Але могуць прайсці два тыдні, перш чым дадатковыя сілы прыбудуць у Літву» — генерал Бэн Ходжэс2020
Каментары