Жыхарцы Магілёўшчыны, у якой на вытворчасці загінуў муж, прапанавалі выплаціць кампенсацыю мясам
Гісторыя Веры Пішчанка, якая ўжо шэсць гадоў спрабуе цалкам атрымаць кампенсацыю за мужа, які загінуў на вытворчасці, атрымала працяг, піша tut.by. На мінулым тыдні жанчына атрымала ліст — агракомплекс прызнае сваю віну і гатовы аддаваць доўг, але толькі па 100 рублёў у месяц. З такім графікам выплаты могуць расцягнуцца больш чым на 15 гадоў.
Вера Пішчанка страціла мужа ў ліпені 2013 года. Мужчына працаваў у агракомплексе «Агнеўскае» ў Чэрыкаўскім раёне электрагазазваршчыкам і загінуў у выніку няшчаснага выпадку — атруціўся атрутным газам пры чыстцы каналізацыйнага калектара.
Пасля расследавання выпадак прызналі вытворчым, і сям'я атрымала адпаведную выплату ў 2014 годзе — 2300 дэнамінаваных рублёў. Пасля гэтага прадпрыемства перастала аддаваць грошы. Жанчына звярнулася ў суд, і пасля разбору там пастанавілі спагнаць з агракомплекса на карысць Веры 18 529 рублёў, а таксама сто рублёў за юрыдычныя выдаткі. Пакуль доўг застаецца непагашаным.
У лісце, які прыйшоў Веры на мінулым тыдні, напісана, што жанчына можа атрымліваць толькі па 100 рублёў кожны месяц. Таксама прадпрыемства прапанавала аддаваць запазычанасць мясапрадуктамі.
Вера звяртае ўвагу, што агракомплекс «страціў палову доўгу», і частка сына Цімафея ў паперы не ўлічваецца. Па рашэнні суда сыну таксама павінны выплаціць 18 529 рублёў.Зараз ўдава плануе звяртацца да судовага выканаўцы.
Цяпер чытаюць
«Дык дадому забяры алкаша абасцанага і выходжвай». Малады загадчык аддзялення бальніцы не стрымлівае сабе ў выразах у сацсетках8
Каментары