Затрыманага расійскага журналіста Галунова забралі ў шпіталь са страсеннем мазгоў і падазрэннем на пералом рэбраў
Затрыманага карэспандэнта «Медузы» Івана Галунова дактары хуткай дапамогі накіравалі на абследаванне ў бальніцу.
Лекар хуткай дапамогі, які агледзеў расійскага журналіста, дыягнаставаў у яго страсенне мазгоў, гематому і падазрэнне на пералом рэбраў.
Раней Галуноў паведамляў, што яго пабілі пасля затрымання, ударылі па галаве і працягнулі па падлозе. Адзін з паліцэйскіх націснуў яму нагой на грудзі.
Журналіст Медузы Іван Галуноў быў затрыманы 6 чэрвеня. Паводле паліцыі, пры даглядзе ў яго знайшлі каля чатырох грамаў наркатычнага сродку, таксама наркотыкі былі знойдзеныя падчас вобыску ў яго кватэры. Ён заявіў пра сваю невінаватасць. Калектыў Медузы паведаміў, што журналіст атрымліваў пагрозы падчас працы над новым артыкулам. Ён таксама вядомы расследаваннямі дзяржзакупак, пахавальнага бізнэсу, «чорных крэдытораў».
Лукашэнка: Раман Пратасевіч — даўні супрацоўнік беларускай разведкі59
Каментары