Качанава пра акумулятарны завод: Нельга выклікаць незадаволенасць або сацыяльную напружанасць у грамадстве
Усе тэмы, якія сёння хвалююць насельніцтва, асабліва рэзанансныя, знаходзяцца на кантролі Адміністрацыі прэзідэнта, заявіла журналістам кіраўнік Адміністрацыі Наталля Качанава, паведамляе БелТА.
Адказваючы на пытанне журналістаў аб сітуацыі з будаўніцтвам акумулятарнага завода ў Брэсце, Наталля Качанава адзначыла, што першапачаткова гэтая тэма знаходзілася ў кампетэнцыі мясцовых органаў улады, паколькі на іх узроўні заключалася інвестыцыйная дамова.
«Таму кіраўніком дзяржавы была дадзена магчымасць на працягу пэўнага часу разабрацца з гэтым праблемным пытаннем на месцы, — патлумачыла кіраўнік Адміністрацыі. — Аднак на дадзены момант сітуацыя пакуль не ўрэгулявана. З улікам гэтага кампетэнтным органам даручана больш глыбока і дэталёва разабрацца з сітуацыяй. Па выніках разгляду будуць прыняты пэўныя рашэнні».
Наталля Качанава запэўніла, што аб усіх падобных праблемных тэмах кіраўнік дзяржавы інфармаваны, ён самым сур'ёзным чынам адсочвае інфармацыю, якая яму прадастаўляецца.
Кіраўнік Адміністрацыі дадала, што рашэнне такіх пытанняў не трывае цяганіны, яны павінны разглядацца больш аператыўна, каб не выклікаць незадаволенасць або сацыяльную напружанасць у грамадстве.
Цяпер чытаюць
«Наіўна спадзяваліся зарабляць у Еўропах, прыязджаць дадому лячыць зубы на халяву і здаваць кватэру». Прапаганда пачала апраўдваць дарагія жыроўкі для «дармаедаў»2222
Каментары