Гітарыст Руслан Уладыка, вядомы пад псеўданімам «Пан», сустрэў 45-годдзе ў коме. Пра гэта Радыё Свабода ягоны сябра музычны прадзюсар Яўген Калмыкоў.
Руслана Уладыку збілі і абрабавалі 6 чэрвеня ў Мінску, ён трапіў у рэанімацыю з чэрапна-мазгавой траўмай, дагэтуль застаецца ў штучнай коме. Але надзея на выздараўленне ёсць: дактары кажуць, калі людзі выходзяць з такога стану цягам 50 дзён, то часцей за ўсё «больш-менш вяртаюцца да нармальнага жыцця».
Яўген Калмыкоў кажа, што асабіста ведае прозьвішча меркаванага нападніка:
«Магу сказаць, што гэта рэцыдывіст, у яго была непагашаная судзімасць, — расказвае ён. — Ён затрыманы, але суд адкладзены праз тое, што ёсьць надзея, што Руслан яшчэ дасць паказанні».
Дактары адзначаюць станоўчую дынаміку ў стане Уладыкі: можа варухнуць нагой, калі трымаюць за руку, можа сціскаць і не адпускаць, расплюшчвае вочы. Калмыкоў згадвае: следчы казаў сястры Уладыкі, што нядаўна чалавек ляжаў у такім стане паўгода, але прыйшоў у прытомнасьць, сам ходзіць і дае паказаньні.
Модная мінская кавярня «Маркс» трапіла ў скандал: адтуль папрасілі сысці жанчыну, якая малявала. Але ўсё не так адназначна18
Каментары