Афіцыйны курс расійскага рубля да беларускага апусціўся ніжэй за дадэвальвацыйны ўзровень.
Афіцыйны курс расійскага рубля да беларускага апусціўся ніжэй за дадэвальвацыйны ўзровень.
Нацыянальны банк Беларусі на 6 лютага ўстанавіў афіцыйны курс расійскага рубля на ўзроўні 76,76 беларускага. Гэта на 13,4 рубля (14,86%) менш за курс, устаноўлены 2 студзеня пасля разавай дэвальвацыі беларускай грашовай адзінкі (90,16), і на
0,13 рубля (0,17%) менш за курс, што дзейнічаў у апошнія дні перад дэвальвацыяй (76,89).
13 студзеня, наведваючы мінскае прадпрыемства «Белкамунмаш», Аляксандр Лукашэнка заявіў: «Калі б мы не дэвальвавалі валюту, то на расійскім рынку з‑за курсавой розніцы мелі б страты».
30 студзеня на пасяджэнні Савета міністраў Саюзнай дзяржавы прэм’ер‑міністр Расіі Уладзімір Пуцін зазначыў:
«У цэлым тавараабарот Расіі і Беларусі забяспечваецца ў рублях на 55—60%.Пры гэтым экспарт з Беларусі ў Расію складае 90% у рублях, з Расіі ў Беларусь — 45% у рублях».
Паніжэнне курсу расійскага рубля да беларускай валюты выклікана яго дэвальвацыяй адносна амерыканскага долара. З 25 снежня 2008 года, калі Нацбанк Беларусі ўстанавіў апошнія перад дэвальвацыяй афіцыйныя каціроўкі валют, па 6 лютага афіцыйны курс даляра да беларускага рубля вырас на 26,68% (з 2.200 да 2.787), у той час як курс даляра да расійскага рубля, што ўстанаўліваецца Цэнтрабанкам РФ,— на 26,9% (з 28,6119 да 36,3095).
Для захавання курсу расійскага рубля на ўзроўні 90,16 Нацбанку давялося б павысіць курс долара да 3.274 рублёў.
Мацкевіч: Не пара аспрэчваць лідарства Ціханоўскай. Яна вельмі добрая ў якасці лідаркі6
Мацкевіч: Не пара аспрэчваць лідарства Ціханоўскай. Яна вельмі добрая ў якасці лідаркі
Ездзілі шукаць нават у БССР, а неапазнанае цела 30 гадоў ляжала ў спецсховішчы. Новыя дэталі загадкавага знікнення ў ЗША беларускага пісьменніка Міколы Цэлеша22
Каментары