«Свечкі запаліш, а зямля няхай ляжыць»: як 19-гадовая варажбітка з Горак развяла жыхарку Брэста на 25 тысяч рублёў
У канцы 2018 года 19-гадовая жыхарка Горак зарэгістравала ў інтэрнэце старонку на імя «Мілана Вілер. Там яна напісала, што займаецца варожбамі і рознымі магічнымі рытуаламі, паведамляе СК.
У канцы лютага да яе звярнулася 28-гадовая берасцейка з просьбай вырашыць асабістыя праблемы. Падазраваная пераканала дзяўчыну, што валодае ведамі ў магічным мастацтве і ў сілах дапамагчы, аднак першапачаткова неабходная агульная платная дыягностыка.
Далей, нібыта для чысткі кармы і правядзення магічных рытуалаў, дзяўчына-варажбітка за тры месяцы атрымала 25 тысяч рублёў.
Распачата крымінальная справа (махлярства). Дзяўчына затрымана. На допыце яна прызнала віну і абавязалася выплаціць шкоду.
Каментары