Трамп расказаў, пра што яны гаварылі з Зяленскім падчас скандальнай размовы
Прэзідэнт ЗША Дональд Трамп заявіў, што падчас ліпеньскай размовы па тэлефоне з прэзідэнтам Украіны Уладзімірам Зяленскім абмяркоўваў карупцыю, паведамляе Bloomberg.
«Размаўлялі, у асноўным, пра карупцыю, аб усёй карупцыі, якая ёсць ва Украіне. У асноўным, пра тое, што мы не хочам, каб нашы людзі, такія як віцэ-прэзідэнт Джо Байдэн і яго сын, стваралі карупцыю ва Украіне. У Украіны шмат праблем. Новы прэзідэнт сказаў, што збіраецца вызваліць краіну ад карупцыі, і я сказаў, што гэта цудоўна. У нас адбылася выдатная размова», — сказаў Трамп.
Ён адзначыў, што размова была цёплая і дружалюбная.
Трамп сказаў, што не стане пярэчыць супраць таго, каб яго адвакат Рудзі Джуліяні даў паказанні перад Кангрэсам ЗША.
Каментары Трампа з'явіліся пасля таго, як кандыдат у прэзідэнты ЗША ад Дэмакратычнай партыі Джозаф Байдэн заклікаў яго апублікаваць змест перамоваў пра Украіну з Зяленскім. Паводле яго слоў, дзеянні амерыканскага лідара падштурхоўвалі Кіеў да парушэння вяршэнства закона дзеля атрымання палітычнай выгады.
Цяпер чытаюць
Жонку аднаго з галоўных турэмшчыкаў Беларусі пасадзілі ў калонію за ўдзел у пратэстах5
Каментары