Зяленскі пацвердзіў узгадненне формулы Штайнмаера: «Не будзе ніякай капітуляцыі»
Прэзідэнт Украіны Уладзімір Зяленскі заявіў, што Украіна пацвердзіла тэкст формулы Штайнмаера, якая ўвойдзе ў новы закон аб статусе Данбаса, піша Українська правда.
Паводле яго слоў, формула Штайнмаера будзе імплементавана ў новы закон аб спецыяльным статусе Данбаса, які будзе прыняты ў сувязі з тым, што дзеянне дзеючага закона завяршаецца 31 снежня 2019 года.
Пры гэтым Зяленскі адзначыў, што ў новым законе не «пяройдуць ні адну чырвоную лінію» і «не будзе ніякай капітуляцыі».
«Формула Штайнмаера — гэта адзін-два сказы… Часовы закон пра спецыяльны парадак мясцовага самакіравання ў асобных раёнах Данецкай і Луганскай абласцей… пачынае дзейнічаць на сталай аснове пры ўмове, калі там адбудуцца мясцовыя выбары, праведзеныя згодна з Канстытуцыяй Украіны і заканадаўства Украіны, а таксама пасля публікацыі справаздачы АБСЕ, што выбары прайшлі па стандартах АБСЕ і міжнародных стандартах дэмакратычных выбараў», — растлумачыў Зяленскі.
Паводле яго слоў, гэта азначае, што «ніякіх выбараў пад дулам кулямётаў не будзе і не можа быць».
Зяленскі нагадаў, што існуючы закон пра спецыяльны статус Данбаса дзейнічае да канца 2019 года, яго заменіць іншы закон, які будзе распрацоўваць Вярхоўная Рада.
Цяпер чытаюць
Аляксандр Лукашэнка так ляснуўся на лёд на хакеі, што трыбуны замерлі ВІДЭА117
Аляксандр Лукашэнка так ляснуўся на лёд на хакеі, што трыбуны замерлі ВІДЭА
«Па-беларуску «Слана» Філіпенкі набывалі больш ахвотна, чым па-руску». Якія кнігі сёння ў топе? Інтэрв'ю з кіраўніцай выдавецтва Gutenberg Publisher55
Каментары