У аўторак прэзідэнт Літвы Гітанас Наўседа, які знаходзіцца ў Хельсінкі, запрасіў Фінляндыю ўнесці ўклад у забеспячэнне бяспекі БелАЭС, піша Delfi.
Наўседа адзначыў, што ў Фінляндыі ёсць спецыялісты, якія маглі б дапамагчы беларусам у павышэнні бяспекі станцыі.
«Мая ідэя — скарыстацца вашым вопытам у гэтай сферы, назапашаным у Фінляндыі, у вас ёсць вельмі добрыя спецыялісты высокай кваліфікацыі, якія могуць дапамагчы Беларусі ўкараніць ўсе неабходныя засцерагальнікі або стандарты якасці», — заявіў Наўседа на сумеснай з прэзідэнтам Фінляндыі Саўлі Ніінісцё прэс-канферэнцыі.
«Мабыць, супрацоўніцтва ў гэтай сферы было б вельмі добрым, вельмі выгадным для ўсіх краін», — сказаў ён.
«Вопыт фінаў у пытаннях атамнай бяспекі знаходзіцца на высокім узроўні, і я перакананы, што ён быў бы карысным, калі ўбачыце ў гэтым патрэбу…», — сказаў прэзідэнт Фінляндыі.
«Гаворка ідзе не пра абутковую фабрыку, дзе можна ўжыць любыя патрабаванні якасці падчас працэсу вытворчасці. Мы гаворым пра атамную станцыю ў цэнтры Еўропы», — падкрэсліў літоўскі прэзідэнт.
У Фінляндыі «Расатам» таксама ўдзельнічае ў будаўніцтве АЭС Ханхіківі-1 у заходняй частцы краіны, у Пюхяйокі.
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі37
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі
«Незалежнасць не падае з неба і не даецца назаўсёды. Яе трэба абараняць». Ціханоўская выступіла з заявай да 35-годдзя прыняцця Дэкларацыі аб суверэнітэце4545
Каментары