У Мінску супрацоўнікі Дэпартамента аховы затрымалі «ручачніка»: хто гэта такі
Учора ў Мінску нарад міліцыі прыбыў па выкліку на вуліцу Гарэцкага. Мужчына, які звярнуўся да праваахоўнікаў, распавёў, што прачнуўся ад дзіўнага шоргату ў кватэры і ўбачыў у калідоры незнаёмца. Гаспадар жылля пацікавіўся, што той робіць у яго дома. Пасля гэтага нечаканы візіцёр спешна збег, але прыхапіў з сабой чужы мабільны тэлефон, грошы і цыгарэты.
Як высветлілася пазней, няпрошаны госць праходзіў па ўсіх паверхах пад'езда і тузаў за ручкі кватэрных дзвярэй. Адны з іх аказаліся не замкнёныя…
Супрацоўнікі Фрунзенскага аддзела Дэпартамента аховы знайшлі мужчыну на пажарнай лесвіцы 4-га паверха. Сваё дачыненне да начнога візіту ён адмаўляў: маўляў, проста па п'яні пераблытаў паверхі.
Аднак пацярпелы яго пазнаў: у затрыманага знайшлі зніклыя грошы і мабільны тэлефон, паведамляе прэс-служба МУС.
Іллю Дубскага ў калоніі прымусілі самому сабе лязом зрэзаць татуіроўку з Пагоняй12
Каментары