Легкавік з грашыма напароўся на самаробныя калючкі на ўскрайку Салігорску. Машыну развярнула ўпоперак дарогі. Калі бухгалтарка паспрабавала зачыніцца ссярэдзіны, ёй у голаў праз шкло стрэлілі з абрэзу. Пасля забілі й кіроўцу.
Машына з грашыма для работнікаў мясцовага сельгаспрадпрыемства трапіла ў засаду на ўскрайку Салігорска.
Напад і расправа здарыліся проста на ўзбоччы дарогі, якая выкарыстоўваецца ў асноўным для патрэбаў тутэйшага прадпрыемства. Перад выпадковым кіроўцам паўстала вусцішная карціна.
Целы мужчыны й жанчыны ляжалі ў лужыне крыві на белым снезе
Злачынцы дэталёва падрыхтавалі план нападу. Легкавік напароўся на загадзя ўсталяваныя самаробныя калючкі. Машыну развярнула ўпоперак дарогі. Калі бухгалтарка паспрабавала зачыніцца ссярэдзіны, ёй у голаў праз шкло стрэлілі з абрэзу. Пасля забілі й кіроўцу. З салону нападнікі забралі 73 мільёны рублёў — заробак працаўнікоў тутэйшага СВК. Непадалёк ад месца злачыну нападнікі разабралі й выкінулі зброю, сотавыя тэлефоны й пазбыліся вопраткі. Знайсці іх удалося па следзе ад чаравіка.
Віктар Швед, намеснік начальніка Салігорскага РАУС, начальнік крымінальнай міліцыі: «Гэта маладыя людзі, наркаманы. Гэтыя асобы затрыманыя, высвятляецца, ці датычныя яны да злачынстваў».
У міліцыі пра праблемную моладзь ведалі, але ніколі не падазравалі, што за наступную дозу расплатай стануць чалавечыя жыцці.
Віталь Дарошка, механізатар СВК «Бальшавік-Агра»: «З кіроўцам праз два дамы суседзі. Ён спяшаўся завезці грошы. Такая недарэчная смерць атрымалася.
Неяк не верыцца, што яго няма, ды й што такое магло здарыцца ў калгасе нашым».
Следчым яшчэ належыць высветліць багата якія дэталі гэтага лютага нападу. Скуль узялася й куды знікла зброя, чаму машына, якая перавозіла вялікую суму грошай, не ахоўвалася, ці дзейнічалі злачынцы па наводцы.
У кіроўцы засталіся двое, а ў жанчыны-бухгалтаркі — трое дзяцей, — паведамляе АНТ.
Цяпер чытаюць
Што Польшча і Беларусь хочуць адзін ад аднаго пры вызваленні Пачобута? А Канапацкая вызвалася стаць паручыцелем5
Каментары