Украіна плануе праз некалькі гадоў адключыцца ад беларускай энергасістэмы
Прэм'ер-міністр Украіны Аляксей Ганчарук заявіў аб тым, што ў 2023 годзе ўкраінская энергасістэма павінна стаць часткай еўрапейскай энергасістэмы, паведамляе «Сьогодні».
«Неабходныя дакументы ўжо падпісаныя, проста трэба над гэтым працаваць. Мы спадзяёмся, што ў 2023 годзе гэтае аб'яднанне сетак, украінскай і еўрапейскай, ужо адбудзецца. Гэта дасць нам магчымасць, у тым ліку і нашай атамнай генерацыі, нават экспартаваць электраэнергію і на гэтым зарабляць. Зараз, насамрэч, праблема экспарту з Беларусі значна перабольшаная. Шчыра кажучы, там не такія вялікія аб'ёмы», — сказаў прэм'ер-міністр Украіны.
Па словах прэм'ера Ганчарука, украінская энергасістэма доўгі час была сумешчана з расійскай, з беларускай і малдоўскай. Аднак далучэнне Украіны да еўрапейскай энергасістэмы прадугледжвае адмову ад адзінай энергасістэмы з Расіяй і Беларуссю.
«Для таго, каб далучыцца да еўрапейскай сеткі, нам прыйдзецца адрэзацца ад расійскай і беларускай. Мы ад гэтага нікуды не падзенемся, і гэта гістарычнае рашэнне ўжо прынята. Гэта значыць, да гэтага мы ўжо паступова імкнёмся», — дадаў украінскі прэм'ер Аляксей Ганчарук.
Цяпер чытаюць
Яўген Афнагель расказаў, што было пасля суда, дзе скандавалі «Верым, можам, пераможам!» І назваў, хто для яго сапраўдны лідар Беларусі11
Каментары