«Проста не дамовіліся». Стала вядома, чаму ТНТ замянілі на «Квартал»
МТІС (Мінскія тэлевізійныя інфармацыйныя сеткі) перасталі трансляваць расійскі тэлеканал ТНТ International. Намеснік дырэктара МТІС Яўген Ніканкін патлумачыў tut.by, чаму гэта адбылося.
- Дамова скончылася, гэта праўда. З любым каналам дамова сканчаецца практычна кожны год. Яна павінна працягвацца ці не працягвацца.
- А хто быў ініцыятарам непрацягу дамовы: МТІС або ТНТ?
- Не было ініцыятывы непрацягу. Мы проста не дамовіліся з каналам на наступны перыяд, і ўсё.
- Ёсць шанец, што ТНТ вернецца?
- Не люблю даваць абяцанні. Па-першае, шанцы ёсць ва ўсіх. Па-другое, пытанне не ў кантэнце. Тут - двухбаковыя адносіны.
Скажу так: верагоднасць, што ТНТ у гэтым годзе вернецца - вельмі высокая. Можа быць, гэта адбудзецца нават праз месяц. Зразумела, што ён ніяк не вернецца праз два-тры дні. Ёсць працэдуры, якія немагчыма ажыццявіць у любы момант.
- На частаце 402 Мгц, якую раней займаў ТНТ International, з 1 студзеня з'явіўся тэлеканал KVARTAL TV. ТНТ давядзецца шукаць іншую частату?
- KVARTAL TV застанецца ў сетцы МТІС у любым выпадку. Зваротнай замены не адбудзецца. Але ў першую чаргу неабходна дасягнуць дамоўленасці з ТНТ, а ўжо затым вызначыцца з варыянтамі замены.
Аператыўны каментар Сяргея Булацкага, дырэктара прыватнай фірмы ТАА «Трыа Медыя», якая з'яўляецца беларускім праваўладальнікам канала ТНТ International, TUT.BY атрымаць не змог.
Каментары