Былая дэпутатка Палаты прадстаўнікоў Алена Анісім вярнулася на працу ў Інстытут мовазнаўства Нацыянальнай акадэміі навук Беларусі, дзе яна працавала яшчэ да свайго дэпутацтва.
«Калегі збераглі стол, крэсла, а вось камп'ютар мяне не дачакаўся. Давядзецца нешта пакумекаць, пакуль добры з'явіцца. У ІТ-краіне без камп'ютара ні кроку не зробіш, тым больш калі задумана вялікая справа — новы тлумачальны слоўнік. Вельмі спадзяюся, што з дапамогай калег справімся з гэтай задачай», — напісала Анісім у сваім фэйсбуку.
Алена Анісім таксама з'яўляецца старшынёй Таварыства беларускай мовы імя Францішка Скарыны.
Раней Анісім заяўлала пра свой намер балатавацца на прэзідэнцкіх выбарах 2020 года, але пазней адмовілася ад удзелу ў выбарах.
Цяпер чытаюць
Топавы перакладчык паехаў у Беларусь мяняць пашпарт — і сеў за данаты. «КДБ паглядзеў на суму і вырашыў, што ніхто ў здаровым розуме не можа выдаткаваць столькі ўласных грошай»1313
Каментары