Золата падаражэла да максімальнай адзнакі за 7 гадоў пасля забойства Сулеймані. Нафта Brent перавысіла $70 за бараль
Цэны на золата падскочылі да максімальнага ўзроўню ўпершыню за сем гадоў (з 2013 года). Пра гэта паведамляе Інтэрфакс.
Золата стала каштаваць даражэй на 2,3% — да $1588,13 за ўнцыю (прыкладна 28 грамаў). Таксама павялічылася цана паладыю — яна дасягнула рэкордных $2027,91 за ўнцыю.
Спецыялісты прагназуюць, што цана золата можа вырасці яшчэ больш, калі напружанасць паміж Вашынгтонам і Тэгеранам ўзмоцніцца.
Сёння цана нафты Brent, паводле звестак фінансавай платформы Investing.com, перавысіла $70 за бараль ўпершыню з мая.
У ходзе таргоў у Лондане на 16:15 (па Мінску) цана дасягнула $70,16, што на 2,08% вышэй за паказчык папярэдняга дня.
Падаражанне золата і нафты адбылося на фоне крызісу ў адносінах ЗША і Ірана пасля забойства камандзіра спецназа Корпуса вартавых ісламскай рэвалюцыі Касема Сулеймані ў Багдадзе.
Цяпер чытаюць
У Мінску завяршылі будаўніцтва пяцізоркавага гатэля на месцы колішняга «Белэкспа»9
У Мінску завяршылі будаўніцтва пяцізоркавага гатэля на месцы колішняга «Белэкспа»
Сумленне, каханне, колы пекла і галівудскі фінал. У сям’і будаўніка і бібліятэкаркі з Пружанскага раёна Ігара і Юліі Лаптановічаў арыштавалі спачатку яго, пасля — яе, а пасля і бабулю33
Каментары