Замежніка абвінавачваюць у спробе вывазу магілёвак за мяжу для прастытуцыі
У Магілёве ў лістападзе мінулага года затрымалі 41-гадовага грамадзяніна Казахстана, якога абвінавачваюць у тым, што ён збіраўся вывезці беларусак для прастытуцыі ў Расіі, паведамляе Следчы камітэт.
У лістападзе 2019 года грамадзянін Казахстана абяцаў дзяўчатам у інтэрнэце высокія заробкі і пераканаў трох магілёвак выехаць у Новасібірск для заняцця прастытуцыяй.
20 лістапада мужчына прыехаў у Магілёў, каб суправаджаць іх падчас пераезду, прывёз з сабой квіткі на самалёт на іх імёны. На наступны дзень падчас пасадкі ў маршрутку мужчыну затрымалі праваахоўнікі.
Іншаземца ўзялі пад варту.
Цяпер чытаюць
«Засяроджуся на працы з ЗША». Ціханоўскі расказаў пра свае палітычныя планы на 2026 год32
Каментары