Сёння ўначы пройдзе раздача «Оскараў»: прагноз пераможцаў ад кінааглядальніка «Нью-Ёрк таймс»
Аўтарытэтная ва ўсім свеце газета «Нью-Ёрк таймс» папрасіла скласці прагноз уладальнікаў Оскара-2020 свайго кінааглядальніка Кайла Б'юкенена. Дзелімся з вамі ідэямі журналіста.
Што да галоўнай намінацыі — фільм-пераможца — эксперт аддае перавагу ваеннаму фільму «1917» Сэма Мендэса (які стане і найлепшым рэжысёрам па выніках прэміі, лічыць Кайл Б'юкенен).
Найлепшым акцёрам прызнаецца выканаўца ролі Джокера ў аднайменным фільме Хаакін Фенікс, а найлепшай актрысай — Рэнэ Зелвегер, выканаўца ролі актрысы Джудзі Гарленд у баёпіку «Джудзі».
Запаветную статуэтку як найлепшы акцёр другога плана атрымае Брэд Піт за ўдзел у фільме «Аднойчы ў Галівудзе», а найлепшай актрысай другога плана стане Лора Дэрн за ролю ў стужцы «Шлюбная гісторыя».
Фільм «Паразіты» рэжысёра Пон Чжун Хо атрымае прыз і за найлепшы арыгінальны сцэнар, і як найлепшы замежны фільм, перакананы кінакрытык «Нью-Ёрк таймс».
Што ж, гэта толькі прагноз, хай і ад дасведчанага чалавека, а ўжо ў ноч на 10 лютага ў Лос-Анджэлесе назавуць сапраўдных пераможцаў. Чакаем!
-
Фільм «Класная»: паглядзелі яго, каб зразумець, якімі «яны» хочуць бачыць «нас»
-
Новы фільм з Ды Капрыа ідзе амаль тры гадзіны, а сцэнар да яго пісаўся 20 гадоў. Ці варта глядзець?
-
У Кітаі аўстралійскі фільм пусцілі ў пракат змененым з дапамогай штучнага інтэлекту. Гей-пару ператварылі ў гетэрасексуальную
Цяпер чытаюць
Праца фізічнага офіса Ціханоўскай у Вільні часова прыпынена26
Каментары