Валанцёрская сетка BYCOVID19 перадала дактарам чарговую партыю дапамогі
Валанцёрская сетка BYCOVID19 прыгатавала і адправіла канцэнтратары кіслароду для Глыбокага і Докшыц. А яшчэ 1500 аднаразовых хірургічных халатаў для Віцебска і бальніц вобласці, паведамляе актывіст Андрэй Стрыжак.
У гэтым бралі ўдзел перавозчыкі vezem.by і AAA cargo.
Беларуская дыяспара закупіла ў Нямеччыне 80 партатыўных пульсаксіметраў (прыбор для маментальнага вымярэння ўзроўню кіслароду ў крыві без збору крыві) і 10 бескантактавых тэрмометраў. Яшчэ 10 больш складаных і дарагіх стацыянарных пульсаксіметраў закупяць ў Мінску заўтра.
Гэтыя прыборы вельмі дапамагаюць медыкам аператыўна адсочваць стан пацыентаў з паражэннем лёгкіх і прымаць хуткія і эфектыўныя рашэнні для іх выратавання.
Нейкі час зойме іх дастаўка з Германіі ў Беларусь.
Таксама валанцёрская ініцыятыва знайшла новыя рэспіратары 1000 ffp3 пялёстак і 500 ffp2.
Па 200 ffp3 і сотні хірургічных халатаў паедуць у Новалукомль і Чашнікі.
600 ffp3, 400 ffp2 і 100 халатаў заўтра адправяцца ў адну з мінскіх бальніц.
Створана сетка груп у тэлеграме, у якіх будзе магчымасць знайсці аднадумцаў, аб'яднаць свае намаганні і ўключыцца ў дапамогу медыкам, пажылым людзям і іншым неабароненым групам:
Мінск: https://t.me/bycovid19minsk
Віцебск: https://t.me/coronavirus_vitebsk
Гродна: https://t.me/k28chat
Брэст: https://t.me/bycovid19brest
Гомель: https://t.me/bycovid19gomel
Магілёў: https://t.me/bycovid19mogilev
Дапамагчы або папрасіць аб дапамозе можна на сайце.
Цяпер чытаюць
«Яна даўнавата ў Беларусі». Бацька Анжалікі Мельнікавай прызнаўся, што яна жывая і здаровая87
Каментары