Мікалай Казлоў вырваўся на першае месца ў анлайн-галасаванні праймерыз
Па стане на 14:50 удзел у анлайн-галасаванні праймерыз (абранні адзінага кандыдата ад дэмакратычнай супольнасці) на выбары прэзідэнта ўзялі 1397 чалавек.
За лідара АГП Мікалая Казлова прагаласавалі 483 чалавекі (34,57%), за лідара руху «За Свабоду» Юрыя Губарэвіча — 475 (34%), Вольгу Кавалькову — 439 (31,42%).
Працэдура праймерыз фактычна стартавала ў канцы студзеня. Удзел у іх таксама бралі Павел Севярынец і Аляксей Янукевіч. З 6 сакавіка прэтэндэнты ездзілі па рэгіёнах, дзе галасаванне вялося пасля сустрэч з людзьмі. Аднак 16 сакавіка Севярынец заявіў, што здымаецца з праймерыз. Прычыны назваў дзве: каранавірус і ўдзел у перадвыбарах вялікай колькасці чыноўнікаў, што галасавалі за Губарэвіча.
У той жа дзень зняўся з праймерыз і Аляксей Янукевіч, а на наступны дзень адбылася апошняя сустрэча ў рэгіёнах (Баранавічы). Паездкі былі прыпыненыя з-за пагрозы каранавіруса.
Меркавалася, што анлайн-галасаванне будзе доўжыцца да канца красавіка, але, магчыма, будзе працягнута ў маі. Прадугледжвалася, што ўдзел у анлайн-галасаванні возьме 100 тысяч чалавек, а адзінага кандыдата абяруць на з'ездзе ў канцы мая.
Паводле закона, прэзідэнцкія выбары павінны прайсці не пазней за 30 жніўня 2020 года.
Цяпер чытаюць
«Я супраць. Мовы, якія пакінулі пасля сябе каланізатары ў Афрыцы, сталі шляхам да цывілізацыі». Алексіевіч адказала, як ставіцца да адмовы ад рускай мовы ва Украіне6363
«Я супраць. Мовы, якія пакінулі пасля сябе каланізатары ў Афрыцы, сталі шляхам да цывілізацыі». Алексіевіч адказала, як ставіцца да адмовы ад рускай мовы ва Украіне63
«Як Вольскі прыходзіў з ператрусам да Коласа, а Крапіва і Глебка даносілі на калег». Апублікаваныя жахлівыя ўспаміны Рыгора Бярозкіна пра рэпрэсіі 1920—1940-х1717
Каментары