У прыватнасці, кампанія «Космас ТБ» спыняе трансляцыю тэлеканалаў «Рен ТВ», «Первый (Всемирная сеть)» і «НТВ‑Мир».
У прыватнасці, кампанія «Космас ТБ» спыняе трансляцыю тэлеканалаў «Рен ТВ», «Первый (Всемирная сеть)» і «НТВ‑Мир».
Як патлумачыла БелаПАН начальнік аддзела праграм «Космас ТБ» Алена Клюйкова, гэта звязана «з неабходнасцю выканання рашэнняў Саўміна і закона аб СМІ, згодна з якімі замежныя тэлевізійныя каналы абавязаны атрымліваць дазвол на трансляцыю на тэрыторыю Беларусі».
Паводле слоў Клюйковай, згодна з пастановай урада ў замежных тэлеканалаў было тры месяцы на атрыманне дазволу. «Яны не правялі гэтую работу, і мы вымушаны спыніць іх трансляцыю», — сказала яна.
«Некаторыя СМІ каментуюць гэтую сітуацыю як палітычнае рашэнне, але мы так не лічым», — падкрэсліла прадстаўнік кампаніі.
Паводле яе слоў, каналы «Рен ТВ», «Первый (Всемирная сеть)» і «НТВ‑Мир» будуць замешчаны іншымі — напрыклад, «Россия. Вести 24 часа», «Мир. СНГ». «Якасць пакета напаўнення праграм застанецца на ранейшым узроўні», — запэўніла начальнік аддзела.
Паводле інфармацыі інтэрнет‑рэсурса marketing.by, «на мінулым тыдні папаўзла чарговая хваля чутак, што ў Беларусі будзе спынены паказ такіх тэлеканалаў, як «Рен ТВ», «Первый (Всемирная сеть)», ТВЦ, «РТР‑Планета», «НТВ‑Мир». «На гэтым тыдні ў Міністэрстве інфармацыі пройдзе сход, у якім возьмуць удзел прадстаўнікі Мінінфармацыі, прадстаўнікі вядучых беларускіх каналаў, сейлзхаўсаў, на якім будзе прынята канчатковае рашэнне. Выказваецца таксама меркаванне, што гэтыя дзеянні выкліканы лабізмам буйных каналаў і сейлзхаўсаў», — паведамляе сайт.
На просьбу БелаПАН пракаментаваць гэтае паведамленне, памочнік міністра інфармацыі Беларусі Віктар Казлоў адказаў: «У нас няма інфармацыі аб забароне на трансляцыю шэрагу каналаў».
Цяпер чытаюць
«Як Вольскі прыходзіў з ператрусам да Коласа, а Крапіва і Глебка даносілі на калег». Апублікаваныя жахлівыя ўспаміны Рыгора Бярозкіна пра рэпрэсіі 1920—1940-х55
«Як Вольскі прыходзіў з ператрусам да Коласа, а Крапіва і Глебка даносілі на калег». Апублікаваныя жахлівыя ўспаміны Рыгора Бярозкіна пра рэпрэсіі 1920—1940-х5
Сумленне, каханне, колы пекла і галівудскі фінал. У сям’і будаўніка і бібліятэкаркі з Пружанскага раёна Ігара і Юліі Лаптановічаў арыштавалі спачатку яго, пасля — яе, а пасля і бабулю33
Каментары