Дэпутаты Рыйгікогу (парламента) разгледзелі ў першым чытанні папраўкі да Закона аб асноўнай школе і гімназіі, згодна з якімі настаўнікі будуць вусна хваліць вучняў, а не выстаўляць адзнакі па пяцібальнай шкале, піша Postimees.
Папраўкі ініцыявала апазіцыйны дэпутат Рыйгікогу Лійна Керсна (Партыя рэформаў).
Згодна з тлумачальнай запіскай да законапраекта, гэта дазволіць пазбегнуць дублявання працы для настаўнікаў, якія выкарыстоўваюць слоўнае ацэньванне, і знізіць іх працоўную нагрузку. Калі пры змене школы кіраўніцтва новай навучальнай установы ўсё ж пажадае, каб ацэньванне было ператворана ў адзнакі па пяцібальнай шкале, школы могуць зрабіць гэта па дамоўленасці.
Згодна з дзеючым законам, вынікі ацэньвання павінны быць ператвораныя ў адзнакі па пяцібальнай шкале, калі вучань пакідае навучальную ўстанову або не пазней, чым да канца пачатковай школы.
У Лагойску пекар адмаўляецца прадаваць свой хлеб пакупнікам, у якіх ёсць сабакі84
Каментары