Кіраўнік Пентагона пажартаваў наконт эфектыўнасці расійскіх сістэм СПА ў Каракасе
Міністр абароны ЗША Піт Хегсэт пажартаваў з нагоды адсутнасці спроб з боку войскаў Венесуэлы адбіць налёт авіяцыі ЗША падчас ваеннай аперацыі амерыканскіх сіл, якая завяршылася захопам Нікаласа Мадура.
Выступаючы перад вайскоўцамі на верфі ў Вірджыніі ў панядзелак, 5 студзеня, Хегсэт пахваліўся тым, што амерыканцам удалося ўвайсці ў Каракас без страт, піша Deutsche Welle.
«Тры ночы таму ў Венесуэле амаль 200 нашых найлепшых амерыканцаў увайшлі ў цэнтр Каракаса…» — падкрэсліў Хегсэт, адзначыўшы, што падчас аперацыі не загінуў ніводзін вайсковец ЗША.
«Падобна, тыя самыя расійскія сістэмы СПА спрацавалі не надта добра, ці не так?» — пажартаваў ён.
Падчас таго ж выступлення Піт Хегсэт заявіў, што ЗША не імкнуцца да канфліктаў з іншымі краінамі, аднак свет уступіў у «новую эру канкурэнцыі звышдзяржаў». У гэтым кантэксце амерыканскі міністр абароны наўпрост згадаў толькі Кітай. Паводле слоў Хегсэта, ЗША «паднімуцца, каб адказаць на гэты выклік», і будуць укараняць у абаронны сектар тэхналогіі, «якія спатрэбяцца для дамінавання ў будучых баявых дзеяннях».
Цяпер чытаюць
Хто з беларусаў трапіў на прыём да прэзідэнта Польшчы ШМАТ ФОТА37
Каментары