Жыровіцкі манастыр з 1 чэрвеня зняў каранцін, уведзены ў красавіку з-за каранавіруса.
«Паведамляем Вам пра тое, што Успенскі Жыровіцкі манастыр і дамы паломнікаў 1 чэрвеня зноў адчыняюць свае дзверы для жадаючых наведаць святую мясціну. Службы ў манастыры здзяйсняюцца штодня», — гаворыцца ў паведамленні на сайце манастыра.
Пры гэтым у манастыры заклікалі наведвальнікаў выконваць рэкамендацыі па прафілактыцы каранавіруса: сацыяльнае дыстанцыяванне, асабістую гігіену, рэспіраторны этыкет.
20 красавіка стала вядома, што Мінская духоўная семінарыя ў Жыровічах і Жыровіцкі манастыр знаходзіліся ў рэжыме каранціну. У гэты дзень быў шпіталізаваны з пнеўманіяй рэктар семінарыі, архіепіскап Навагрудскі і Слонімскі Гурый (Апалька). У Слонімскую цэнтральную раённую бальніцу быў дастаўлены 41 чалавек з манастыра і семінарыі ў Жыровічах.
У дакументах па «справе Эпштэйна» знайшлі сляды буйных грашовых пераводаў у Мінск. Зноў усплыло імя Карыны Шуляк44
Каментары